លោក សុខ ម៉ក់ នាយប៉ុស្តិ៍នគរបាល ច្រកទ្វារព្រំដែនសំរោង(ហៅច្រក សៀងហៃ)បើកដៃឲ្យជនអន្តោប្រវេសន៍ រំហូរចូលមកលេងល្បែងសុីសងខុសច្បាប់ ក្នុង(កាស៊ីណូ67)បានដោយរលូន?
ស្វាយរៀង ÷ មានសេចក្តីរាយការណ៍ ពីប្រជាពលរដ្ឋ រស់នៅក្បែរច្រកទ្វារព្រំដែនសំរោង(ហៅច្រក សៀងហៃ) ស្រុកចន្រ្ទា ខេត្តស្វាយរៀង បានឲ្យដឹងថា! បុគ្គលដែលហ៊ានបើកល្បែងបញ្ជាល់មាន់ និងល្បែងខុសច្បាប់ គ្រប់ប្រភេទ ផ្សេងៗទៀត ក្នុង(កាស៊ីណូ 67)បានដោយរលូន? ប្រហែល ម្ចាស់(កាស៊ីណូ 67)មានខ្នងបង្អែក រឹងមាំ ហើយមានឥទ្ធិពល ទៀតផង មើលទៅ ទើបហ៊ានធ្វើអ្វីៗតាមទំនើងចិត្ត ។
ជាងនេះទៅទៀត ប្រជាពលរដ្ឋ រស់នៅក្នុងភូមិសាស្ត្រ ស្រុកចន្ទ្រា បានបង្ហើបឲ្យដឹងថា! លោក សុខ ម៉ក់ នាយប៉ុស្តិ៍នគរបាលច្រកទ្វារព្រំដែនសំរោង(ហៅច្រកសៀងហៃ)និងមន្ត្រីថ្នាក់ក្រោម សមត្ថកិច្ច និងអាជ្ញាធរមូលដ្ឋាន សម្ងំទទួល ផលប្រយោជន៍ខ្លះៗពីមម្ចាស់បនល្បែងហើយមើលទៅ ទើបមានបើកល្បែងដូចជា(បញ្ជាល់មាន់)និងល្បែងខុសច្បាប់ គ្រប់ប្រភេទ ផ្សេងៗទៀត ទុកឲ្យអ្នកញៀនល្បែងមានខ្មែរ និងជនវៀតណាម ខ្លះមានប៉ាស្ព័រ ខ្លះអត់ប៉ាស្ទ័រ ចូលមកលេងភ្លូកទឹកដី ភ្លូកដី មិនមាន សមត្ថកិច្ចពាក់ព័ន្ធ និងអាជ្ញាធរមូលដ្ឋាន ណាហ៊ានចុះទប់ស្កាត់ និងបង្ក្រាប!នោះទេ។
មជ្ឈដ្ឋានខាងក្រៅ.! និងពលរដ្ឋ រស់នៅក្បែរ ប៉ុស្តិ៍នគរបាលច្រកទ្វារព្រំដែនសំរោង(ហៅច្រក សៀងហៃ)រងការរិះគន់ចំៗថា! បើគ្មានការឃុបឃិតគ្នា ជាប្រពន្ធ ហើយមានខ្នងបង្អែក រឹងមាំ ទេនោះ? ម្ម្ចាស(កាស៊ីណូ 67)និងបក្សពួក របស់ខ្លួន ក៏មិនអាចសាងភាពល្បីល្បាញខាងបើកល្បែង(បញ្ជាល់មាន់)និងល្បែង ខុសច្បាប់ គ្រប់ប្រភេទ ផ្សេងៗទៀត នៅលើទឹកដី ស្រុកចន្ទ្រា ខេត្តស្វាយរៀង បានឡើយ ។
ហេតុនេះ សមត្ថកិច្ច និងមន្ត្រីអអាជ្ញាធរមូលដ្ឋានថ្នាក់ឃុំ និងស្រុកចន្ទ្រា ខេត្តស្វាយរៀង គូរត្រួតពិនិត្យឡេីងវិញផង ចំពោះជនអន្តោប្រវេសន៍ ខ្លះមានប៉ាស្ទ័រ ខ្លះអត់ប៉ាស្ទ័រ ចូលមកលេងល្បែងខុសច្បាប់ ក្នុង(កាស៊ីណូ67)និងសមត្ថកិច្ចពាក់ព័ន្ធ នគរបាលច្រកទ្វារព្រំដែនសំរោង(ហៅច្រកសៀងហៃ)ស្រុកចន្ទ្រា បានរក្សាភាពស្ងៀមស្ងាត់ ធ្វើឲ្យប្រជាពលរដ្ឋ ក្នុងស្រុកចន្ទ្រា ខេត្តស្វាយរៀង មានការព្រួយបារម្ភ និងភាពភ័យខ្លាច ជាខ្លាំង ចំពោះបញ្ហា អសន្តិសុខ សង្គម ក្នុងមូលមូលដ្ឋាន របស់ពួកគាត់ ខ្លាចកើតមាន បទល្មើស ដូចជា ចោរលួច ចោរឆក់ និងចោរប្លន់ ជាពិសេស អំពើហិង្សា ក្នុងគ្រួសារ ជាដើម។
អង្គភាពសារព័ត៌មានយើង ធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូន ដល់ស្ថាប័នពាក់ព័ន្ធឲ្យបានជ្រាប ហេតុដូច្នេះ ប្រជាពលរដ្ឋ ក្នុងស្រុកចន្ទ្រា ខេត្តស្វាយរៀង សំណូមពរទៅដល់ ឧត្តមសេនីយ៍ទោ ពេជ្រ វីរៈ ស្នងការនគរបាល ខេត្តស្វាយរៀង ជាពិសេស ឯកឧត្តម ប៉េង ពោធិ៍សា អភិបាល ខេត្តស្វាយរៀង ជាចុងក្រោយនេះដែរ ប្រជាពលរដ្ឋ សូមអំពាវនាវយ៉ាងទទូចទៅដល់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ សូមជួយចាត់មន្ត្រី ពាក់ព័ន្ធ ក្រោមឪវាទ ចុះទប់ស្កាត់ និងបង្ក្រាប! ទីតាំងបទល្មើសល្បែង(បញ្ជាល់មាន់)និងល្បែងខុសច្បាប់ គ្រប់ ប្រភេទ ផ្សេងៗទៀត ក្នុង(កាស៊ីណូ 67)មួយកន្លែង ស្ថិតក្នុងភូមិសាស្ត្រខាងលើនេះផងទាន ដើម្បី ពង្រឹង សន្តិសុខ សង្គម៕
អង្គភាពយើងខ្ញុំ ការផ្សព្វផ្សាយនេះទៅតាមវិជ្ជាជីវៈ រិះគន់ក្នុងន័យស្ថាបនា មិនមានចេតនាញុះញង់ បំបែកបំបាក់ បុគ្គលស្ថាប័ន ឬអង្គភាពណាមួយឡើយ។
