ទីតាំងល្បែងឡូតូ តាមអនឡាញ ១.កន្លែងក្បែរចំណតឡានក្រុង នៅផ្សារបុរីសន្តិភាព សង្កាត់ចោមចៅ២ ខណ្ឌពោធិ៍សែនជ័យ ហ៊ានផ្គើននិងបទបញ្ជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
ភ្នំពេញ ÷ ប្រជាពលរដ្ឋរស់នៅក្នុងមូលដ្ឋាន បានរាយការណ៍ប្រាប់ថា! បុគ្គលដែលហ៊ានបើកល្បែងឡូតូ តាមអនឡាញ ១.កន្លែងក្បែរចំណតឡានក្រុង នៅផ្សារបុរីសន្តិភាព សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ប្រហែល មានខ្នងបង្អែក រឹងមាំ ហើយមានឥទ្ធិពលទៀតផង ទើបហ៊ានធ្វើអ្វីៗតាមទំនើងចិត្ត។
ជាងនេះទៅទៀត ប្រជាពលរដ្ឋនៅក្បែរចំណតឡានក្រុង នៅផ្សារបុរីសន្តិភាព សង្កាត់ចោមចៅ២ ខណ្ឌពោធិ៍សែនជ័យ ដាក់សង្ស័យថា! មន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន សម្ងំទទួល លាភសក្ការៈ និងផលប្រយោជន៍ខ្លះៗ ពីម្ចាស់ទីតាំងល្បែងមួយនេះ រួចអស់ហើយ ផងក៏មិនដឹង ទើបមានបើកល្បែងឡូតូ តាមអនឡាញ ទុកឲ្យក្រុមញៀនល្បែងចូលលេងយ៉ាងគគ្រឹកគគ្រេង គ្មានការទប់ស្កាត់ និងបង្ក្រាប! ទាល់តែសោះ ។
មជ្ឈដ្ឋានខាងក្រៅ.! និងប្រជាពលរដ្ឋនៅក្បែរទីតាំងនោះ រងការរិះគន់ចំៗថា! បើគ្មានការឃុបឃិតគ្នា ជាប្រព័ន្ធ ហើយមានខ្នងបង្អែក រឹងមាំ ទេនោះ ម្ចាស់ទីតាំង និងបក្សពួករបស់ខ្លួន មិនអាចសាងភាពល្បីល្បាញ ខាងបើកល្បែងឡូតូ តាមអនឡាញ នៅលើទឹកដី ខណ្ឌពោធិ៍សែនជ័យ បានឡើយ ។
ប្រភពដដែលបានបន្ថែមថា! ក្តីកង្វល់ របស់ប្រជាពលរដ្ឋរស់នៅសព្វថ្ងៃនេះ កំពុងមានការព្រួយបារម្ភយ៉ាងខ្លាំង ចំពោះសុខទុក្ខ និងសុវត្ថិភាពគ្រួសារ របស់ពួកគាត់ ព្រោះថាទីណាមានល្បែងស៊ីសង ទីនោះមិនយូរមិនឆាប់នោះទេ? កើតមាននូវ អំពើចោរកម្ម និងបទល្មើស ផ្សេងៗដូចជា លួច ឆក់ ប្លន់ ជាពិសេស អំពើហិង្សា ក្នុងគ្រួសារ ជាក់ជាមិនខាន។
ហេតុដូច្នេះ ប្រជាពលរដ្ឋ ក៏ដូចមហាជន ទូទៅ សំណូមពរទៅដល់ ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ជាពិសេស ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សូមជួយចាត់មន្ត្រី ក្រោមឱវាទ ចុះទប់ស្កាត់ទង្វើរ មិនប្រក្រតី របស់ បុគ្គល ដែលហ៊ានបើកល្បែងឡូតូ តាមអនឡាញ ១.កន្លែងក្បែរចំណតឡានក្រុង នៅផ្សារបុរីសន្តិភាព ស្ថិតក្នុងភូមិសាស្ត្រខាងលើនេះ គ្រប់គ្រងដោយលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ និងលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ ជាបន្ទាន់ ដើម្បីបង្រឹងសន្តិសុខសង្គម៕