សមត្ថកិច្ច​ចម្រុះ​ចុះបង្ក្រាប​ឈើ​អារ​គ្រឿងផ្ទះ ជា​ច្រើនសន្ធឹក​សន្ធប់ ដែល​ឈ្មួញ​លាក់​បំរុង​ដឹក​លក់ បង្កប់​តាម​រថយន្ត​ធំ នៅ​ស្រុក​ត្បែងមានជ័យ​ =============


ខេត្ត​ពព្រះវិហារ ៖ សមត្ថកិច្ច​ចម្រុះ នៅ​ព្រឹក​ថ្ងៃទី​៧ ខែ​ឆ្នូ ឆ្នាំ​២០២១​នេះ បាន​ចុះ​បង្ក្រាប​ឈើ​អារ​ជា​គ្រឿងផ្ទះ​ជាច្រើន​មែត្រ​គុប ជា​ប្រភេទ​ឈើ ឈើទាល ត្រាច ផ្ចឹក ដែល​ក្រុម​ឈ្មួញ​ដឹក​ជញ្ជូន​ចេញពី​ព្រៃ យក​មក​លាក់ទុក​នៅ​ចំនុច​​ក្បែរ​មណ្ឌល់​សុខភាព​ត្បែង​មាន​ជយ័ ស្ថិតនៅ​ភូមិ​បុស្ស​ធំ ឃុំ​ប្រ​មេរុ ស្រុក​ត្បែង​មាន​ជយ័ ។​

​ពាក់ព័ន្ធ​ប្រតិបត្តិការ​ខាងលើនេះ​លោក នួន សុខុម នាយ​ខណ្ឌ័​រដ្ឋបាល​ព្រៃឈើ​ព្រះវិហារ សហការ​ជាមួយ​កម្លាំង​ផ្នែក​​រដ្ឋបាល​ព្រៃឈើ​ត្បែង​មាន​ជយ័ ដឹកនាំ​ដោយ​លោក វង្ស វិសិដ្ឋ កម្លាំង​សង្កាត់រដ្ឋបាល​ព្រៃឈើ​ត្បែង​មាន​ជយ័ និង​មាន​ការចូលរួម​សហកា​រ​ពី​លោក សុង បញ្ញា ដោយ​មាន​ការចូលរួម​ពី​លោក សុខ មុន្នី​រិ​ទ្ឋ អភិបាលរង​ស្រុក​ត្បែង​មាន​ជយ័ កម្លាំង​​អាវុធហត្ថ​ស្រុក​ត្បែង​មាន​ជយ័ កម្លាំង​អធិការនគរបាល​ស្រុក​ត្បែង​មាន​ជយ័ ។​

​លោក នួន សុខុម បានអោយដឹងថា ក្រោយពី​មាន​សេចក្តីរាយការណ៍​ពី​ប្រជាពលរដ្ឋ​ថា មាន​ក្រុម​ឈ្មួញ​ដឹក​ឈើ​យក​មក​លាក់​នៅ​ចំនុច​ខាងលើ សមត្ថកិច្ច​ជំនាញ​បាន​សហការ​គ្នា​ចុះ​មក​ត្រួតពិនិត្យ និង​ធ្វើ​ការបង្ក្រាប​តែម្តង​។​

​បច្ចុប្បន្ន វត្ថុតាង​ឈើ​គ្រឿងផ្ទះ​ទាំងនេះ​ត្រូវបាន​រឹប​ហូ​ស​ដឹក​ជញ្ជូន យកទៅ​រក្សាទុក​នៅ​ផ្នែក​រដ្ឋបាល​ព្រៃឈើ​ត្បែងមានជ័យ​រងចាំ​ការវាស់វែង​ពី​មន្ត្រី​ជំនាញ​ផ្នែក​រដ្ឋបាល​ព្រៃឈើ ដើម្បី​ចាត់ការ​បន្ត​តាម​និតិ​វិធី៕