​ខេត្តកណ្តាល ÷ សេចក្តីរាយការណ៍ពីប្រជាពលរដ្ឋបានឲ្យដឹងថា! បុគ្គលដែលហ៊ានបើកល្បែង(មាន់ជល់ និងអាប៉ោង)ខុសច្បាប់ មួយកន្លែងក្នុងព្រៃ ក្បែរមាត់ស្ទឹង ឈៀងខាងកើត ផ្ទះត្រចៀកកាំ ចម្ងាយ ៣០០.ម៉ែត្រ ស្ថិតនៅភូមិត្រាញ់ ឃុំរកា ស្រុកកណ្តាលស្ទឹង ខេត្តកណ្តាល ប្រហែល ម្ចាស់មាន​ខ្នងបង្អែក​ រឹងមាំ ហើយមាន​ឥទ្ធិពល ទៀតផង ទើបហ៊ានធ្វើអ្វីៗតាមទនើងចិត្ត។

​មជ្ឈដ្ឋាន​ខាងក្រៅ​.!និងប្រជាពលរដ្ឋរស់នៅក្នុង ឃុំរកា ស្រុកកណ្តាលស្ទឹង រងរិះគន់​ចំៗ​ថា! បើគ្មានការឃុបឃិតគ្នា ជាប្រព័ន្ធ ហើយមាន​ខ្នងបង្អែក រឹងមាំទេនោះ ម្ចាស់ល្បែងស៊ីសង និងបក្សពួក របស់ខ្លួន មិនអាចសាងភាពល្បីល្បាញ ខាងបើកល្បែង(មាន់ជល់ និងអាប៉ោង)ខុសច្បាប់ នៅលើទឹកដី ស្រុកកណ្តាលស្ទឹង ខេត្តកណ្តាល បានឡើយ។

ជាមួយគ្នានេះ ​ប្រជាពលរដ្ឋរស់នៅ.ភូមិ.ឃុំ.ខាងលើ ដាក់ការសង្ស័យ អាជ្ញាធរនិងសមត្ថកិច្ចមូលដ្ឋាន មួយចំនួន អាចទទួលលាភសការៈ និងផលប្រយោជន៍ ខ្លះៗពីម្ចាស់ល្បែងសុីសង មួយនេះ ផងក៏មិនដឹង ទើបមានបើក​ល្បែង​ដូច​ជា(មាន់ជល់ និងអាប៉ោង)ខុសច្បាប់ ទុកឲ្យក្រុមញៀនល្បែងទាំងនោះចូលលេង​យ៉ាងពេញពេញបន្ទុក ជាពិសេស ថ្ងៃសៅរ៍ និងថ្ងៃអាទិត្យ តែម្តង តែគេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តទប់ស្កាត់ និងបង្ក្រាប! នោះទេ.!។

ជាក់ស្តែងនៅរសៀលថ្ងៃទី២ ខែមិថុនា ឆ្នាំ២០២៤.នេះ ទីតាំងល្បែង(មាន់ជល់ និងអាប៉ោង)ខុសច្បាប់ មួយកន្លែង ក្នុង.ឃុំរកា ស្រុកកណ្តាលស្ទឹង កំពុងកៀងគរក្រុមញៀនល្បែងឲ្យមកលេងភ្នាល់ចាក់លុយ ចាញ់ឈ្នះ រាប់លាន.រៀល ទៅដល់ រាប់ពាន់.ដុល្លារ ឯណោះ (ពោលគឺ)ចាក់លុយច្រើនៗទៅតាមការកំណត់គ្នា គូធម្មតា ឬគូពិសេស ។

ប្រភពបានបន្ថែមថា! ក្តីកង្វល់ របស់ប្រជាពលរដ្ឋរស់នៅសព្វថ្ងៃនេះ មានការព្រួយបារម្ម និងភាពភ័យខ្លាច យ៉ាងខ្លាំង ចំពោះសុខទុក្ខ និងសុវត្ថិភាព គ្រួសារពួកគាត់ ព្រោះថាទីណាមានល្បែងស៊ីសង ទីនោះមិនយូរមិនឆាប់នោះទេ កើតមាននូវ អំពើចោរកម្ម និងបទល្មើសផ្សេងៗដូចជា លួច ឆក់ ប្លន់ ជាពិសេស អំពើហឹង្សារ ក្នុងគ្រួសារ ជាក់មិនខាន ។

អង្គភាពសារព័ត៌មានយើង ធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូនដល់ ស្ថាប័នពាក់ព័ន្ធឲ្យបានជ្រាប់ ហេតុដូច្នេះ ប្រជាពលរដ្ឋ សំណូមពរដល់ ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល ជួយចាត់កម្លាំង ជំនាញ ឪវាទ ចុះត្រួតពិនិត្យ និងបង្ក្រាប! ទីតាំងល្បែង(មាន់ជល់ និងអាប៉ោង)ខុសច្បាប់ មួយកន្លែង ស្ថិតក្នុងភូមិសាស្ត្រខាងលើនេះផង ដើម្បីពង្រឹង សន្តិសុខសង្គម៕