នាព្រឹកថ្ងៃទី១៩ ខែមិថុនា ឆ្នាំ២០២៣ លោកជំទាវបណ្ឌិត ពេជ ចន្ទមុន្នី អគ្គស្នងការនៃសមាគមកាយប្ញទ្ធិនារីកម្ពុជា និងជាឧត្តមទីប្រឹក្សានៃកាយរឹទ្ធិជាតិកម្ពុជា បានទទួលជួបសំណេះសំណាលជាមួយប្រតិភូកាយរឹទិ្ធជាតិកម្ពុជាចំនួន៤៧នាក់ ស្រី២៣នាក់ មកពីរាជធានីភ្នំពេញ១៩នាក់ កំពង់ចាម១៨នាក់ កណ្តាល០៨នាក់ កំពង់ធំ ០១នាក់ និងខេត្តព្រៃវែង០១នាក់ ដែលត្រូវចូលរួមកម្មវិធីបោះជំរំកាយរឹទិ្ធពិភពលោកលើកទី២៥ (25th World Scout Jamboree) ចាប់ពីថ្ងៃទី០១ ដល់ថ្ងៃទី១២ ខែ សីហា ឆ្នាំ២០២៣ នៅសាធារណរដ្ឋកូរ៉េ។

នាឱកាសនេះ លោកជំទាវ គឹម សេដ្ឋានី រដ្ឋលេខាធិការ និងអនុប្រធានកាយរឹទិ្ធជាតិកម្ពុជា បានធើ្វសេចក្តីរាយការណ៍ដោយសង្ខេបអំពីប្រវត្តិសាវតា និងដំណើរការរៀបចំការបោះជំរំកាយរឹទិ្ធពិភពលោក ព្រមទាំងការត្រៀមលក្ខណៈរបស់ប្រតិភូកាយរឹទិ្ធទាំងអស់ មុនចេញដំណើរទៅសាធារណរដ្ឋកូរ៉េ។

លោកជំទាវបណ្ឌិត ពេជ ចន្ទមុន្នី បានផ្តល់ពុទ្ធិបន្ថែមលើចលនាកាយរឹទិ្ធពិភពលោក និងចែករំលែកនូវអនុសាសន៍ល្អដល់ក្មួយៗកាយរឹទិ្ធទាំងអស់ ត្រូវចេះមានសាមគ្គីភាព ពាំនាំវប្បធម៌កម្ពុជាដល់មិត្តភ័ក្តបរទេស ចាំស្តាប់បង្គាប់គ្រូដឹកនាំ បង្កើតបណ្តាញទំនាក់ទំនង និងសិក្សាជំនាញថ្មីៗពីការរៀបចំជំរំ និងបំណិនកាយរឹទិ្ធកម្មផ្សេងៗ។ ក្នុងឱកាសនោះ លោកជំទាវបណ្ឌិត បានផ្តល់ថវិការបស់ឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ជួយឧបត្ថម្ភជាប្រាក់ហោប៉ៅដល់ក្មួយៗប្រតិភូកាយរឹទិ្ធ ទាំង៤៧រូប ក្នុង១នាក់៕